Дар шаҳри Панҷакент як зан бо ду фарзанди хурдсолаш бедарак гаштааст.

Тибқи иттилои навори видеоии дар шабакаҳои иҷтимоӣ паҳншуда, Зикруллоева Нилуфар, ки сокини деҳаи Мазори Шарифи Панҷакент мебошад, ҳамроҳи фарзандони хурдсолаш Дилшода ва Муҳаммад, ки яке 8-сола ва дигарӣ 6-сола мебошад, бедарак гаштаанд. Дар навор гуфта мешавад, ки охирин маротиба онҳоро дар нуқтаи сарҳадии Панҷакент дидаанд ва гӯё бо сабаби ба охир расидани муҳлати ҳуҷҷатҳои фарзандонаш сарҳадбонон ба онҳо иҷозат надодаанд, ки аз марз гузаранд.

Шавҳар ва пайвандонаш дар ҷустуҷӯи Нилуфар ва бачаҳояш буда, аз шахсоне, ки ин зан ва кӯдаконашро дар ягон ҷо дидаанд ё дар бораи онҳо маълумоте доранд, хоҳиш мекунанд, ки ба рақамҳои +992 92 633 53 81 занг зананд.