Бо мақсади дар сатҳи баланд истиқбол гирифтани ҷашни 35-солагии Истиқлоли давлатӣ ва беҳтар намудани инфрасохтори роҳҳо аз ҷониби Муассисаи давлатии нигоҳдории роҳҳои автомобилгарди ноҳияи Муъминобод 7 километр роҳи мошингард мумфарш карда шудааст.

Гуфта мешавад, ки айни замон дар роҳҳои мошингарди ноҳия корҳои таъмирӣ идома доранд.

Дар тобеияти муассиса 168,2 километр роҳ қарор дорад. Аз ин ҳисоб 26 километр роҳ дорои аҳамияти ҷумҳуриявӣ ва 142,2 километр дорои аҳамияти маҳаллӣ мебошад. Дар шашмоҳаи якуми сол роҳҳои се деҳаи дигар дар масофаи 900 метри мураббаъ таъмир карда шудаанд.

Айни замон 200 метр масофаи роҳи мошингарди Муъминобод - Момандиён мумфарш карда шудааст.