Дар ноҳияи Ховалинги вилояти Хатлон як ҷавони 27-сола бар асари заҳролудшавӣ аз дуди ангишт ҷон дода, як тани дигар осеб дидааст.

Ба иттилои расонаҳо, ин ҳодисаи нохуш шаби 5-уми январ дар корхонаи коркарди тиллои “Нахш” рӯй додааст. Гуфта мешавад, ки Меҳроҷиддин Акбарови 27-сола шаби сар задани ин фоҷиа ҳамроҳи як рафиқаш ба бухорӣ ангишт андохтаанд ва зоҳиран пас аз хобашон бурдан дуди ангишт баромада, боиси заҳролудшавӣ ва марги ин ҷавони 27-сола гаштааст.

Меҳроҷиддин Акбаров зодаи деҳаи Саричашмаи ноҳияи Шамсиддини Шоҳин буда, аҳли хонаводааш дар деҳаи Шоҳамбарии шаҳри Ҳисор зиндагӣ мекардаанд.