Шаҳрванди Ҳиндустонро наздиконаш мурда пиндошта қариб сӯзониданӣ буданд, ки ногоҳ «мурда» зинда шуд.

Як рӯз қабл Дипак Синхи 72-сола дар ҳавлияш говҳоро алаф медоду баногаҳ аз ҳуш рафт. Табиб мӯйсафеди беҳаракат хобидаро аз назар гузаронида хулоса баровард, ки мурдааст. Наздикони мӯйсафед тибқи анъанаҳои мардумӣ мурдаро ба сӯзонидан омода намуданд, ба сурудхонӣ сар карданд. Бо баланд шудани садо баногаҳ мурда аз ҷояш бархост. Мӯйсафед аз наздиконаш хоҳиш кардааст, ки дигар кӯшиши зинда ба зинда сӯзондани ӯро накунанд.