Шукри Худо, ки баъд аз солҳои интизорӣ соҳиби фарзанд шудем. Фаҳмидаам, ки баъд аз таваллуд шудани тифл ба гӯшаш азон мегӯянд. Вале, дақиқан намедонам, ки кӣ бояд ин азонро гӯяд ва онро чанд бор бояд идома диҳад, чунки бархеҳо гуфтанд, ки бояд се рӯз пай дар пай азон гӯем. Дар мазҳаби мо ин чӣ гуна аст?
Фазлиддин Роибов, н. Панҷ
Бародари азиз, пас аз таваллуди тифл ҳар гоҳе фурсат шавад, ин амалро анҷом додан дуруст аст, вале набояд, ки таъхир кард. Падари тифл ё бобои ў ва ё каси дигаре метавонанд дар гўши тифл азон гўяд. Муҳим ин аст, ки шахси ботақво ва солеҳ бошад ва дар ҳаққи навзод дуои нек кунад.
