Бо мақсади дастгирии табақаҳои ниёзманди аҳолӣ ва дилгарм намудани ҷавонон ба омӯзиши илму дониш ва касбу ҳунар дар Донишгоҳи миллии Тоҷикистон ба донишҷӯёни ятим ва маъюб илова бар стипендия ҳар моҳ зиёда аз 500 сомонӣ кумакпулӣ дода мешавад.
Дар ин бора имрӯз, 15-уми июл зимни нишасти матбуотӣ ректори Донишгоҳи миллӣ Эмомалӣ Насриддинзода иттилоъ дод.
Олимон низ аз ҷониби роҳбарияти донишгоҳ ҳамаҷониба дастгирӣ ёфта, барои ҳимояи рисолаи номзадӣ ба устодони донишгоҳ дар ҳаҷми 35 ҳазор сомонӣ ва барои ҳимояи рисолаи докторӣ 45 ҳазор сомонӣ мукофот дода мешавад.
