Мехостам фаҳмам, ки кадом нафарон аз 17-солагӣ ақди никоҳ баста метавонанд? Чун дар моддаи 13-и Кодекси оила ин ба салоҳияти суд вогузор карда шудааст.

Оё камбизоатӣ ё нарасидани шароит дар ин истисноҳо дохил мебошад?
М. Р.

Посух
Аз саволи муроҷиаткунанда бармеояд, ки худи ӯ қисман ба суолаш посух додааст ва албатта ба суд ҳангоми пешниҳоди ариза ҳолатҳои ҷойдошта бо факту далелҳои боэътимод дар хусуси вазнин будани сатҳи шароити зисту зиндагии никоҳшаванда, ки 17-сола мебошад, ба инобат гирифта мешавад ва ҳамзамон, омода будани ноболиғи ба сини 17-сола расида бо пешниҳоди маълумоти тиббӣ оиди ба оила бунёд намудан омода будан ва шарти муҳими бастани никоҳ муҳаббати ҷонибҳоро низ суд ба инобат гирифта, иҷозати издивоҷ медиҳад.