shoh palace
Чаро зану шавҳар худро аз ошёнаи 5-ум партофтанд?
14656

 

Ҷисми бе ҷон ва ба хоку хун оғӯштаи як зан ва як марди ҷавонро имрӯз соати 8. 40-и субҳ аз ҳавлии бинои 16-ошёна ёфтанд. Маълум шуд, ки онҳо зану шавҳар буда, дар ошёнаи 5-уми ҳамин бино зиндагӣ мекардаанд ва худро аз тирезаи балкон ба замин ҳаво дода, ҳалок шудаанд. Лаҳзаи худро аз тираза партофтани зану шавҳар дар камераҳои назоратӣ сабт шудааст.

видеои автодан

 

Ҳодиса дар шаҳри Новосибирск, аниқтараш дар як бинои 16-ошёна дар кӯчаи Челюскинцев 48\1 рӯй дода, ба иттилоъи Сиб.фм зани даст ба худкушӣ зада ҳамагӣ 31-сол доштааст. Марди худкушӣ карда 43-сола буда, шавҳари дуюми зан будааст. Ин ҷуфт як писарчаи тахминан 9-10-сола низ доштаанд.

Аз рӯйи гуфти ҳамсояҳо муносибати зану шавҳар хеле хуб буда, дар ошёнаи 5-уми ҳамин бино зиндагӣ мекарданд ва ягон вақт садои ҷангу ҷанҷол ва баҳсу мунозираашон ба гӯш намерасид. Бародари ҷавонзани ҳалок шуда дар сӯҳбат ба журналистон қисса кардааст, ки ҳанӯз соати 7-и субҳ хоҳараш зинда буд ва онҳо телефонӣ сӯҳбат карда буданд.

бино

 

Ҳаққу ҳамсояҳо ва хешу табори ҳалокшудагон ба худкушӣ кардани онҳо шубҳа доранд, вале аз наворҳои камераҳои назоратӣ дида мешавад, ки зану шавҳар дар болкон дар бораи чизе сахт баҳс мекунанд ва зан бо ғазаб худро аз тиреза ба поён ҳаво медиҳад. Ҳамагӣ 30 сония пас мард низ аз паси ҳамсараш худро аз тиреза мепартояд.

Хушбахтона, вақти худкушӣ кардани зану шавҳар фарзандашон дар хона набудааст. Ба иттилоъи АиФ-Сибир писарчаро аз шавҳари якуми зан буда, ҳамон бегоҳ падари аслиаш кӯдакро бо худ ба хонааш бурда аст.

Тафтишот аз рӯйи ин ҳодиса идома дошта, сабабҳои даст ба худкушӣ задани зану шавҳар муайян карда мешаванд.

 

 

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД