14-уми ноябр дар саросари ҷаҳон “Рӯзи мубориза бо диабети қанд” эълон шудааст. Касалии қанд яке аз бемориҳои паҳншуда дар сайёраи Замин ба шумор рафта, имрӯз дар дунё беш аз 526 миллион одамон аз ин беморӣ азият мекашанд.
Мутаассифона, шумораи гирифторони диабети қанд дар байни кӯдакону наврасон солҳои охир рӯ ба афзоиш ниҳодааст, ки хеле ташвишовар мебошад.
Дар барномаи навбатии “Солимӣ” табиби диабетшинос Зайнаб Ҳусейнзода дар бораи сабабҳои ба диабети қанд гирифтор шудани кӯдакон ва усулҳои табобати ин беморӣ маълумот дода, ба волидоне, ки фарзандашон ба касалии қанд гирифтор аст, тавсия ва маслиҳатҳои судманд медиҳад.
