Устои созҳои мусиқӣ аз Кӯлоб доирае сохтааст, ки бузургтарин дар Тоҷикистон ба шумор меравад. Ин сеюмин доираи Сайиднодир Ҳайдарови 33-сола аст, ки як метру 80 сантиметр баландӣ дорад. Ӯ мехоҳад, даф ё доираи худро барои дарёфти рекордҳои Гиннес пешниҳод кунад. Барои сохтани доираи рекордӣ, Сайиднодир як сол омодагӣ дидааст. Ӯ пӯсти гови бузургҷусса ҷустуҷӯ мекард. Пас аз пайдо кардани пӯст онро дар ду моҳ сохт. Яке аз доираҳои бузургашро ӯ ба президенти кишвар тӯҳфа кард ва дар иваз ба ӯ 15 ҳазор сомонӣ дода буданд. Доираи сеюме, ки ӯ сохтааст, бузургтар аз ду доираи қаблӣ аст. Сайиднодир Ҳайдаров 13 навъ асбоби мусиқӣ месозад. Ӯ мегӯяд, аз Исроилу Амрико ва кишварҳои аврупоӣ харидорони маҳсулоташро дорад. Дар ин бора «Озодӣ» гузориш додааст.
