Дастаи мунтахаби ҷавонони Тоҷикистон оид ба футбол дар доираи ҷамъомади таълимию тамринии худ дар шаҳри Бейрут бозии дуюми санҷиширо муқобили мунтахаби ҷавонони Лубнон анҷом дод.

Ба иттилои Федератсияи футболи Тоҷикистон, бозӣ бо ҳисоби 2:2 ба анҷом расид. Ин дуюмин бозии санҷишии мунтахаби Тоҷикистон бо Лубнон дар доираи ҷамъомади Бейрут ба ҳисоб меравад. Ҳамин гуна бозиҳо ба ҳайати мураббиён имкон медиҳанд, ки сатҳи омодагии футболбозонро санҷида, ҳайати беҳтаринро барои мусобиқаҳои расмии дарпешистода интихоб намоянд.

Мунтахаби U-20-и Тоҷикистон дар ин ҷамъомад талош дорад таҷрибаи бозигаронро зиёд намуда, ҳамоҳангии хатҳои гуногуни даста ва бозии тактикиро беҳтар созад.