Дар Москва донишҷӯ ҳастам. Духтареро дӯст медорам, ки аз мазҳаби мо нест. Волидонам мегӯянд, ки ман бо ӯ никоҳ карда наметавонам. Андешаи волидони ман то куҷо асос дорад? Умуман, бо кадом қавму қабилаҳо никоҳ бастани аҳли мазҳаби имоми Аъзам ҷоиз аст?

МУҲСИН, донишҷӯ аз Москва

Посух:

- Бо афроде, ки ба ягон китоби осмонӣ бовар надоранд ва махлуқотро, аз қабили санг, ҳайвон ва ғайраҳо парастиш мекунанд, никоҳ карданро дини ислом манъ кардааст. Ба ҷуз чунин нафарон дигар ҳар як фарде, ки қиблаю пайғамбарро барҳақ медонад, мазҳаби Имом Абуҳанифа (р) ба онҳо никоҳ карданро ҷоиз мешуморад.