То кунун бар асоси Қонуни афв 8 ҳазору 8 нафар аз зиндонҳои Тоҷикистон раҳо шудаанд. Дар ин бора Музаффар Ашӯриён, вазири адлияи Тоҷикистон зимни нишасти матбуотӣ хабар дод.
Ҳамчунин, ӯ изҳор дошт, ки тибқи ин қонун 136 маҳкумшудаи ноболиғ аз муассисаҳои ислоҳӣ озод шуда, 32 нафари дигар боқӣ мондаанд.
Қонун “Дар бораи афв” дар Тоҷикистон рӯзи 16-уми июн имзо ва чанд рӯз баъд дар рӯзномаи “Садои мардум” нашр шуд. Тибқи он, давоми ду моҳ 18 ҳазору 38 маҳкумшуда, ки аксарашон дар зиндон адои ҷазо мекунанд, ба озодӣ мебароянд ва ё муҳлати ҷазояшон кам карда мешавад.
