Моҳи шарифи рамазон низ фаро расид. Дар ин моҳи муборак ҳатто шахсоне, ки пештар намоз намехонданд, намозхон мешаванд.
Мехоҳам донам, ки бо азоне, ки кас аз телефон шунидааст, намоз гузоридан дуруст аст ё не?
Фаридун, ш. Панҷакент.
Посухи домулло Ҷамолиддин Хомӯшӣ
Дуруст нест, зеро уламо овози азон ва Қуръонро, ки аз телефон ва дигар таҷҳизоти савтӣ шунида мешавад, ба акси садо қиёс кардаанд ва он ҳукми азони ҳақиқиро надорад. Аз ин ҷиҳат бо шунидани азон аз телефон суннати азон ба ҷо намеояд, бояд азон гуфта шавад.
