Аксари хушдоманҳо келинҳояшонро чашми дидан надоранд ва қасдан мудом шӯрандозӣ мекунанд, ки писарашон занашро зери мушту лагад бигирад.

Ҳамсараш айбе надошта бошад ва писар гилаву озори модарро ба эътибор нагирад ё худро ношунида вонамуд созад, албатта модар меранҷад ва ӯро занкалон меномад. Оё итоат кардан ба модар дар чунин ҳолат воҷиб аст?
Умед, аз Русия.

Посухи домулло Ҷомолиддини Хомӯшӣ
Ҳамсари шумо ахлоқи хуб дошта бошад, итоат кардан ба модаратон воҷиб нест. Дар чунин маврид гапи модаратонро нагиред, гунаҳгор намешавед. Ба ҳар ҳол кӯшиш кунед, ки дили ҳардуро ба даст оред ва нагузоред касе аз онҳо аз шумо ранҷанд. Худо нигаҳбонатон бошад!