Дар пеш иди модарон истодааст. Аҳли хонаводаам мехоҳанд, ки дар рӯзи ид ман онҳоро ба ягон ҷо ба тамошо барам, баъд дар тарабхона хӯрок хӯрем. Донистан мехостам, ки ҳамроҳи аҳли оила ва фарзандон ба тарабхона ва тамошо рафтан аз нигоҳи ислом дуруст аст?

Давлаталӣ

Посухи домулло Ҷамоиллидин Хомӯшӣ

Бародари азиз, ба сайругашт ва тамошо рафтан ишколе надорад, ба шарте, ки дар ин ҳолат дастуроти шариат риоя карда шавад, аммо рафтан ба тарабхонае, ки дар он ҷо корҳои хилофи шариат аз қабили фаҳшу беҳаёӣ сурат мегирад, дуруст нест, зеро ин ба аҳли хонадон ва хусусан фарзандон, ки амонати илоҳӣ ҳастанд, таъсири манфӣ дорад.