Нимҳимоятгари мунтахаби ҷавонони Тоҷикистон (U-20) Билол Бобоев, ки дар бозии интихобии Ҷоми Осиё-2025 дар гурӯҳи «Е» муқобили тими миллии Малайзия ҷароҳати вазнин бардошта буд, дар Душанбе бомуваффақият ҷарроҳӣ карда шудааст.

Бино ба иттилои ТВ “Варзиш”, як рӯз пеш нимҳимоятгари тими ҷавонони кишвар дар Маркази миллии тиббии «Шифобахш»-и Душанбе ҷарроҳӣ шуд.

Тавре манбаъ хабар медиҳад, рӯзҳои наздик Бобоев раванди барқароршавиро шуруъ мекунад.