Озмуни ҷумҳуриявии “Беҳтарин боғи мактабӣ-2024” ҷамъбаст ва ғолибон муайян гардиданд. Озмуни мазкур бо мақсади иҷрои “Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027” аз ҷониби Вазорати маориф ва илми Ҷумҳурии Тоҷикистон роҳандозӣ гардид.
Бино ба иттилои дафтари матбуоти Вазорат, Озмуни ҷумҳуриявии “Беҳтарин боғи мактабӣ-2024” дар байни муассисаҳои таҳсилоти умумӣ эълон шуда, ҳанӯз моҳи май шуруъ гардида буд. Ба комиссияи озмун муассисаҳои таълимии ҷумҳурӣ 33 дархост ирсол кардаанд. Аз ҷумла, 9 муассисаи таҳсилоти миёнаи умумии вилояти Суғд дар озмун ширкат варзидаанд.
Даври ҷамъбастии озмуни ҷумҳуриявӣ дар муассисаи таҳсилоти миёнаи умумиии №38-и ноҳияи Деваштич баргузор гардидааст, зеро дар муассисаи мазкур намунаи беҳтарини боғи мактабӣ ташкил шудааст.
Дар ҷамъбаст муассисаҳои таҳсилоти миёнаи умумиии №38-и ноҳияи Деваштич, №14-и ноҳияи Спитамен сазовори ҷойи якум ва муассисаҳои таҳсилоти миёнаи умумии №22-и шаҳри Истаравшан, №3-и ноҳияи Кӯҳистони Мастчоҳ сазовори ҷойи дуюм гардидаанд.
Ба ғолиби ҷойи якум 10 000 сомонӣ ва ҷойи дуюм 5 000 сомонӣ мукофотпулӣ ва инчунин сертификат тақдим карда шудааст.
