Хоҳарам баъди аз шавҳараш талоқ гирифтан ба муҳоҷират рафт. Айни замон дар Қазоқистон қарор дораду мехоҳад, ки фарзандашро ба наздаш барем.
Оё бе ваколатномаи падар фарзанди ноболиғро ба дигар давлат бурдан мумкин аст?
З. А.
Посух
Барои ҳифзи ҳуқуқ ва манфиатҳои ноболиғон ҳангоми гузаштан аз сарҳади Ҷумҳурии Тоҷикистон розигии волидон талаб карда мешавад. Дар сурати ҳамроҳи ноболиғ будани яке аз волидон розигии нафари дуюм лозим аст ё не, дар қонунгузорӣ чизе гуфта нашудааст. Мумкин аст, ки дар санадҳои зерқонунии мақомоти ваколатдор ягон чиз гуфта шуда бошад. Аз ин рӯ, метавонед барои гирифтани маълумоти дақиқ ва пурра ба мақомотҳои ваколатдор муроҷиат намоед.
