Раиси Кумитаи меъморӣ ва сохтмон гуфт, ки баъзе ширкатҳои бинокор воқеан шаҳрвандонро фиреб дода ва шартномаҳои басташударо инкор мекунанд.
Ӯ дар пайванд ба шикояти сокинон аз кори ширкатҳои бинокор изҳор дошт, ки барои пеш наомадани мушкил ҳангоми хариди хона дар “нотариус” шартнома банданд.
Низом Мирзозода, раиси Кумитаи меъморӣ ва сохтмон зимни нишасти хабарӣ гуфт, ки дар ҳақиқат дар кори ширкатҳои бинокор камбудиҳо ҷой доранд ва баъзе ширкатҳо аз бастани шартномаи хариду фурӯш тариқи расмӣ худдорӣ мекунанд.
