Имрӯз, 5-уми декабр аз соати 17:30 то 19:00 дар пойтахти кишварамон - шаҳри Душанбе ҳаракати воситаҳои нақлиёт дар баъзе роҳҳо муваққатан маҳдуд карда мешавад.
Ба иттилои Раёсати корҳои дохилӣ дар шаҳри Душанбе, ҳаракати воситаҳои нақлиёт дар буриши хиёбони Рӯдакӣ-Сомонӣ то Сомонӣ-Сино аз соати 17:30 то 19:00 маҳдуд карда мешавад.
Аз ронандагон хоҳиш карда шудааст, ки аз кӯчаҳои ҳамшафат истифода бурда, дар ҷойҳои ноқулай мошинҳои худро нигоҳ надоранд.
