Барои хонандагон дар шаҳри Душанбе “минтақаи ҳушманди мактабӣ” месозанд

Бо мақсади таъмини бехатарии кӯдакон ва наврасон дар шаҳри Душанбе дар роҳҳо бо истифода аз зеҳни сунъӣ низоми нави “минтақаи ҳушманди мактабӣ” роҳандозӣ хоҳад шуд.  
Вазорати нақлиёти Тоҷикистон аллакай барои ин тарҳ бо ширкати куриёии “KUKJE ST Co., LTD” ёддошти тафоҳуми ҳамкориро ба имзо расонидааст. Ҳадафи асосии лоиҳа пешгирии садамаҳои нақлиётӣ ва таъмини бехатарии кӯдакон6 ва наврасон буда, ин низом бо истифода аз дурбинҳои назоратӣ ва чароғакҳои роҳнамои “ҳушманд” вазъи ҳаракати мошинҳоро дар роҳҳоро таҳлил мекунад ва дар сурати пайдо шудани хатар кӯдакон ва масъулони мактабҳоро фавран огоҳ месозад.