Салом! Мехоҳам сарнавишти худро ба шумо нақл карда, маслиҳат пурсам.

Мо дар оила 6 нафар ҳастем ва ҳамаамон соҳиби оилаи обод, фарзанд ва хонаву дар мебошем. Дар байнашон танҳо ман ҷабрдидаи бебахтам ва бо як фарзанд дар хонаи падарам зиндагӣ мекунам.

Вақте падарам зинда буданд, зиндагиамон хуб мегузашт, аммо аз бозе, ки падарам нестанд, бародарам маро аз хона пеш карда истодааст.

Азбаски кӯдаки майда дорам, кор карда наметавонам, аз ҳамин сабаб бародарам маро нонхӯри зиёдатӣ гӯён, чашми дидан надорад.

Модарам беморанд ва писарашон гапашонро гӯш намекунад. Ҳаққу ҳамсояҳо маслиҳат доданд, ки ба суд муроҷиат кунам, вале ман аз дуои модарам метарсам.

Аз ҳамаи шумо - хонандагони азиз, хоҳиш мекунам, ки дарди диламро фаҳмида, ягон роҳи дурусти ҳалли ин масъаларо нишон диҳед, зеро ман дар зиндагӣ миёнаи раҳ шуда мондам.

Ман як зани бемор ҳастам ва дигар ба ман шавҳар кардан мумкин нест. Намедонам бо як фарзанд сарамро ба кадом дар занам.

Илтимос, маслиҳатам диҳед, чӣ кор кунам ва додамро ба кӣ гӯям?

Р. Н.