Бо ташаббуси роҳбарияти бошгоҳи футболи “Истиқлол” бахшида ба ҷашни Рӯзи ҷаҳонии футбол Мусобиқаи байналмилалӣ миёни наврасон - “Ҷоми Истиқлол” баргузор мегардад.

Дар ин бора ТВ “Варзиш” бо истинод ба дафтари матбуотии тими шаҳри Душанбе хабар дода, афзуд, ки аз 19 то 25-уми май Академияи “Истиқлол” дар дараи Алмосӣ маркази ҷалби бозигарони навраси боистеъдод аз кишварҳои Осиёи Марказӣ хоҳад шуд.

Дар ин мусобиқа Академияҳои футболи минтақа - “Дордой” (Қирғизистон), “Астана” ва “Қайрат” (Қазоқистон), “Бунёдкор” (Ӯзбекистон), инчунин мизбонони мусобиқа - “Истиқлол” ва мактабҳои футболи «Динамо”, “Ювентус” ва “Бохтар Сити” аз Тоҷикистон иштирок мекунанд.