Нурсултон Назарбоев, президенти якуми Ҷумҳурии Қазоқистон ба беморхона афтида, ҷарроҳӣ шудааст. Дар ин бора Айдос Укибой, сухангӯи президенти собиқ дар шабакаҳои иҷтимоӣ хабар дод.
"Ҷарроҳӣ муваффақона анҷом шуд. Ба ҳаёти президенти пешин хатаре таҳдид намекунад. Айни замон вай таҳти назорат аст. Ҷарроҳӣ дар Маркази миллии илмҳои кардиохирургӣ анҷом ёфт", - навиштааст Айдос Укибой.
Гуфта шуд, ки президенти пешин аз бемории қалб азият мекашид ва бо ин иллат бистарӣ шуда, қалбашро ҷарроҳӣ кардаанд.
