Ман ҳамчун мусалмон намедонам, ки Исои масеҳро эътироф кунам ё не, чунки ӯ пешвои насрониён аст. Дигар ин ки, Соли нав аз рӯзи таваллуди Исо сар мешавад ва мо онро ҷашн мегирем. Магар ин гуноҳ нест?
ШАҲРИЁР, хонандаи “Оила”
Посухи домулло Ҷамолиддин Хомӯшӣ
Бародари азиз, ҳар касе ҳазрати Исо (а)-ро қабул надошта бошад, имони ӯ комил нест ва ҳатто мусалмон ҳисоб намешавад. Яке аз шартҳои дини мубини Ислом ҳамин аст, ки ба тамоми пайғамбарҳое, ки пеш аз пайғамбари мо - ҳазрати Муҳаммад (с) ба дунё омадаанд, имон дорем. Ягон мусалмон ҳақи инкор кардани онҳоро надорад. Агар рафту касе инро инкор кард, имони ӯ эътибор надорад.
