Қазоқистон парвандаи ҷиноятӣ алайҳи рэпер Navai-ро қатъ кард

Мақомоти Қазоқистон парвандаи ҷиноятӣ алайҳи рэпер ва овозхони рус Navai (Наваи Бакиров)-ро, ки бо гумони қочоқи маводи мухаддир боздошт шуда буд, қатъ карданд. Пас аз ин, ҳунарманд кишварро тарк карда, вуруди ӯ ба Қазоқистон ба муҳлати панҷ сол манъ шудааст.

Тибқи иттилои департаменти полиси вилояти Ҷамбули Қазоқистон, ҳангоми қабули қарор ба назар гирифта шудааст, ки қонуншикании эҳтимолӣ бори аввал содир шуда, овозхон аз кирдори худ изҳори пушаймонӣ кардааст. Қарори қатъи парванда бо прокуратура мувофиқа шудааст.

Navai рӯзи 13 -уми октябр дар гузаргоҳи сарҳадии «Қордай» ҳангоми ворид шудан ба Қазоқистон боздошт шуда буд. Ӯ ба шаҳри Остона мерафт, ки мебоист рӯзи дигар дар он ҷо консерт баргузор кунад. Ҳангоми тафтиши мошине, ки ҳунарманд дар он қарор дошт, кормандони мақомоти ҳифзи ҳуқуқ маводи мухаддирро ошкор ва мусодира карданд