Президенти Ҷумҳурии Тоҷикистон муҳтарам Эмомалӣ Раҳмон имрӯз дар шаҳри Токиои Ҷопон бо Раиси Гурӯҳи байнипарлумонии дӯстиву ҳамкории “Тоҷикистон-Ҷопон” Кейҷи Фуруя, президенти Агентии ҳамкории байналмилалии Ҷопон Акиҳико Танака, президенти Анҷумани савдои Ҷопон бо Русия ва давлатҳои нави соҳибистиқлол Масами Ииҷима ва мудири иҷроии Созмони амнияти металлургӣ ва энерҷии Ҷопон Ичиро Такаҳара мулоқот намуданд.
Зимни мулоқот масоили муҳими ҳамкорӣ дар соҳаҳои энергетика, тандурустӣ, илм, маориф, нақлиёт, кишоварзӣ, саноат, обтаъминкунӣ, бонкдорӣ, зеҳни сунъӣ, дорусозӣ ва истихроҷи маъдан мавриди баррасӣ қарор гирифтанд.
