Зимни санҷиши мақсаднок аз ҷониби кормандони милитсияи пойтахт ҳангоми ба ноболиғон фурӯхтани маҳсулоти тамоку ду нафар соҳибмулкони мағозаҳои хӯрокворӣ дастгир карда шудаанд.
Бино ба иттилои Раёсати ВКД дар шаҳри Душанбе, шаҳрвандон Салаев Исломиддин, сокини 45-солаи шаҳри Душанбе ва Пиров Маҳмадалӣ, сокини 34-солаи ноҳияи Балчувон бо мақсади ба даст овардани маблағи ночизе талаботи қонунро сарфи назар намуда, ба шахси бараъло ноболиғ сигор фурӯхтаанд.
Вобаста ба ҳолати мазкур нисбати номбурдагон бо моддаи 463 КҲМ Ҷумҳурии Тоҷикистон протоколҳои маъмурӣ тартиб дода шуда, ҷаримабандӣ гардидаанд.
