Нозирони минтақавии ШВКД-2 дар ноҳияи Шоҳмансур шаҳрванд Шокирова Зикаморо барои машғул шудан ба фолбинӣ дастгир намудаанд.

Мақомоти ҳифзи ҳуқуқ муайян кардаанд, ки номбурда дар манзили истиқоматиаш, воқеъ дар маҳаллаи Гулистон, бо истифода аз карта ба фолбинӣ машғул будааст.

Нисбати Шокирова З. протоколи маъмурӣ тартиб дода шуда, бо қарори суд ҷаримаи маъмурӣ ба андозаи 80 нишондиҳандаи ҳисоб, баробар ба 6 ҳазор сомонӣ таъин гардидааст.

Мақомоти ҳифзи ҳуқуқ таъкид мекунанд, ки фолбинӣ амали ғайриқонунӣ мебошад. Шаҳрвандон бояд аз чунин амалҳо худдорӣ кунанд.