Arzon march 2024
«Ҳафтаи китоби кӯдакону наврасони Тоҷикистон» дар шаҳри Душанбе
02.04.2025
Oila.tj
96

Дар Китобхонаи давлатии бачагонаи ҷумҳуриявии ба номи Мирсаид Миршакар Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз гардид, ки то 9-уми апрел дар тамоми шаҳру ноҳияҳои мамлакат идома меёбад.

Гуфта мешавад, ки фестивал бо ташаббуси Вазорати фарҳанги Ҷумҳурии Тоҷикистон доир гардида, зимни он намоиши китобҳои бачагона, намоиши дастранҷи кӯдакону наврасон, намоиш-фурӯши китобу рӯзнома ва маҷаллаҳои тозанашр ва суҳбати кӯдакону наврасон бо адибон пешниҳоди иштирокдорон гардонида мешавад.

Бояд гуфт, ки ҳамасола 2-юми апрел дар саросари ҷаҳон Рӯзи байналмилалии китоби кӯдакон таҷлил мегардад. Ин сана шуруъ аз соли 1967 бо мақсади тарбияи муҳаббат ба китоб ва ҷалби диққати ҷомеа ба китобҳои бачагона таҷлил карда мешавад.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД