Дар минтақаҳои гуногуни олам қабрро ҳар хел мекананд. Аз нигоҳи дини ислом қабр бояд чӣ гуна канда шавад?
Абдуҳамид, н. А.Ҷомӣ.

Посухи домулло Ҷамолиддин Хомӯшӣ
Аз нигоҳи шариат ду намуд қабр канда мешавад ва ҳар яке вобаста ба шароити ҳамон маҳал аст. Як навъи он лаҳад аст, ки дар ҳолати резиш надоштани хок канда мешавад, чунонки дар бисёр манотиқи кишварамон маъмул ва машҳур аст. Навъи дуюм шақ (бидуни лаҳад) аст, ки дар ҳолати резиш доштани хок ва нарм будани замин канда мешавад, зеро дар чунин ҳолат лаҳад кандан ғайриимкон аст. (“Хулосатул-фатво”, ҷ. 1, с. 225-227)