Субҳи имрӯз, 20-уми ноябр дар шаҳри Гулистони вилояти Суғд бо иштироки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маросими расмии баъдинавсозӣ ба кор андохтани 3 агрегати нерӯгоҳи барқӣ-обии Қайроққум баргузор гашт.
Тибқи иттилои расмӣ, бо ҷалби маблағҳои шарикони рушд ва мутахассисони дохиливу хориҷӣ таҷҳизот, аз ҷумла 6 гидроагрегат, дастгоҳи идоракунии турбинаҳо, системаи идоракунии гидроагрегат, 7 зеристгоҳ (трансформатор) ва дигар дастгоҳҳои асосии нерӯгоҳ иваз шуда, иқтидори истеҳсоли нерӯи барқ дар нерӯгоҳи мазкур 60 МВт зиёд карда шудааст.
Ёдрас мешавем, ки нерӯгоҳи Қайроққум аз 6 гидроагрегат иборат буда, соли 1956 бо тавоноии 21 МВт ба кор дароварда шуда буд. Тӯли 69 соли фаъолият, гидроагрегат ва дигар таҷҳизоти асосии нерӯгоҳ кӯҳна шуда, иқтидори истеҳсолии он то 12 МВт коҳиш ёфт. Навсозии нерӯгоҳ аз соли 2019 шуруъ гашта, дар муддати қариб 7 сол 6 гидроагрегати он таъмир ва иқтидори ҳар кадомашон ба 29 МВт расонида шудааст.
