Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон аз боришоту тармафароӣ дар ду рӯзи оянда дар баъзе минтақаҳо ҳушдор дод.
- Рӯзҳои 27-28-уми феврали соли ҷорӣ бинобар сабаби боришот дар баъзе минтақаҳои кӯҳию доманакӯҳии вилояти Суғд, ноҳияҳои тобеи ҷумҳурӣ, шоҳроҳи нақлиётгарди Душанбе-Хуҷанд-Чаноқ (километрҳои 62-74-уми шоҳроҳ) ва ғарби Вилояти Мухтори Кӯҳистони Бадахшон сар задани зуҳуроти тарма пешгӯӣ мешавад,- мегӯяд манбаъ.
Аз шаҳрвандон хоҳиш карда мешавад, ки дар ин маврид эҳтиёткор бошанд.
