• Маҳсулоти лозима: • об – 1,5 стакон • олуча – 1 кг • шакар- 1,2 кг Тарзи таҳия Амали 1 Олучаро шуста аз думчаҳояш тоза кунед. Бо чӯбчаи дандонҳилол ҳар як донаи олучаро аз чанд ҷояш сурох кунед. Амали 2 Дар зарфи мураббопазӣ обро ҷӯшонида аз оташ гиреду олучаро илова кунед (об бояд олучаро пушонад). Баъди 1,5 дақиқа оби олучаро партоед. Амали 3 Аз 1,5 стакон об ва ними шакар қандоб тайёр кунед. Амали 4 Қандоби ҷӯшонро ба болои олучаҳо рехта, 4 соат нигоҳ доред. Баъдан мурабборо дар оташи паст монда, то ҷӯшонидан расонед ва шакари боқимондаро илова карда, боз 10 дақиқаи дигар ҷушонеду кафкашро гиред. Мурабборо аз оташ гирифта, 6 соат нигоҳ доред. Баъдан бори дигар ҷӯшонида, оташашро паст кунеду 10 дақиқа ҷушонед. Амали 5 Бонкаҳоро шуста, дар буғ тамиз кунед. Меваҳои мурабборо ба бонкаҳо пур кунеду қандобашро боз 15 дақиқаи дигар ҷушонида ба бонкаҳо андохта даҳони бонкаҳоро маҳкам кунед.
