Дар доираи Форуми байналмилалии сармоягузорӣ-содиротии «Хатлон Инвест» ба 30 нафар соҳибкорзанон ба маблағи умумии 500 ҳазор сомонӣ гранти раиси вилояти Хатлон дар соли 2024 тақдим гардид.

Гуфта мешавад, ки грантҳои мазкур барои татбиқи лоиҳаҳо дар самти рушди кишоварзӣ, корхонаҳои хурди истеҳсолӣ, дӯзандагӣ ва дигар соҳаҳо пешбинӣ гардидаанд.

Бояд гуфт, ки феълан дар вилоят 31 264 нафар занони соҳибкор расман фаъолияти инфиродиро рушд медиҳанд. 19 084 нафари онҳо роҳбарони хоҷагиҳои деҳқонӣ буда, истеҳсолкунандагони маҳсулоти содиротии кишоварзӣ мебошанд.