Ман аз занам бо як фарзанд ҷудо шудаам. Собиқ занам фарзандамонро бе иҷозати ман пинҳонӣ ба Русия бурд. Ба хотири фарзандам ба Русия рафтам, мехоҳам дар тарбияаш саҳмгузор бошам, вале наздикони собиқ занам ба зангҳоям ҷавоб намедиҳанду суроғаашонро пинҳон нигоҳ медоранд. Барои дидани фарзандам бояд чӣ кор кунам?

Посух

Барои дидани фарзандатон аз роҳҳои қонунӣ истифода баред. Агар ба шарте, ки собиқ ҳамсаратон дар ҳудуди ФР қарор дошта бошад, ба мақомоти давлатии ҳифзи ҳуқуқи кӯдак ва суди ФР муроҷиат намоед. Инчунин агар суроғаи аниқи ҳамсаратонро донед, ба суди маҳалли зисташ муроҷиат намоед. Дар акси ҳол, метавонед ба Хадамоти муҳоҷират муроҷиат намоед, ба зудӣ суроғаашро пайдо мекунанд.