Тибқи иттилои Маркази зилзилашиносии Аврупову Баҳри Миёназамин (EMSC), зилзила соати 14.20 ба вақти Душанбе рух додааст. Қувваи он 5.7 балл арзёбӣ шудааст.
Маркази ин заминларза 280 километр ҷанубу шарқи шаҳри Душанбе, 115 километр ҷанубу ғарби шаҳри Хоруғ, 80 километр аз ноҳияи Ишкошими ВМКБ дар қаламрави Афғонистон будааст.
Ин зилзиларо дар тамоми шаҳру навоҳии Ҷумҳурии Тоҷикистон эҳсос карданд. Сокинон аллакай бо гузоштани пост дар шабакаҳои иҷтимоӣ дар ин бора хабар доданд.
