Ба саволҳои хонандагони ҳафтаномаи «Оила» адвокат Иноят Иноятов ҷавоб медиҳад. Доир ба машварати ҳуқуқии оилавӣ ва баҳсҳои ҳуқуқии оилавӣ метавонед ба телефони боварии адвокат 98-517-02-21 занг занед.

Савол

Пасандозҳои бонкӣ, ки зану шавҳар ба номи фарзандони ноболиғашон ба расмият даровардаанд, ҳангоми талоқ дар байни ҳамсарон тақсим мешавад ё не?
Фирӯз, шаҳри Турсунзода.

Посух

Пасандозҳое, ки зану шавҳар аз ҳисоби молу мулки умумиашон дар бонкҳо ва дигар муассисаҳои кредитӣ ба номи фарзандони ноболиғи худ гузоштаанд, молу мулки мутааллиқ ба фарзандон дониста шуда, ҳангоми тақсими молу мулке, ки моликияти муштараки зану шавҳар мебошад, байни ҳамсарон тақсим карда намешавад.