Дар толори калони Иттифоқи нависандагони Тоҷикистон рӯзи ҷумъа, 20-уми сентябр, соати 14 ба муносибати Рӯзи устод Рӯдакӣ маҳфили шеъру суруд барпо мегардад.
Дар ин базм шоирони номвари мо ашъори худро қироат намуда, овозхони маҳбуб маэстро Далер Назаров ҳунарнамоӣ мекунад. Ошиқони садои дилфиреби Далер Назаров метавонанд ба маҳфил ташриф оварда, аз шунидани таронаҳои марғуби ошиқонаю орифонаи ин устоди санъати тоҷик лаззат баранд.
Даромадан комилан озод буда, Шоири халқии Тоҷикистон устод Камол Насрулло ровӣ ва гули сари сабади маҳфил ҳастанд.
Ёдрас мешавем, ки чанде қабл ҳунарманди машҳури тоҷик Далер Назаров дар қатори дигар офарандагони филми ҳунарии “Роҳ” бо ҷоизаи Рӯдакӣ сарфароз гардонида шуд.
