Дар пайи сӯхтори шабона дар бозори «Корвони Бухоро»-и Ӯзбекистон, ки шаби 3-юм ба 4-уми октябр ба вуқуъ пайваст, қисматҳои зиёди бозор ва молу маҳсулоти дохили он ба коми оташ рафтаанд.
Дар шабакаҳои иҷтимоӣ наворе паҳн шудааст, ки дар он як нусхаи Қуръон пас аз сӯхтор солим боқӣ мондааст. Дар навор гуфта мешавад, ки оташ қариб ҳама чизро нобуд карда, аммо “Қуръон” осеб надидааст.
Ҳамзамон, то ҳол ҳақиқати ин навор ва ҷузъиёти марбут ба солим мондани Қуръон аз ҷониби мақомоти расмӣ тасдиқ нашудааст. Аз ин рӯ, онро ҳамчун далели тасдиқшудаи «муъҷиза» арзёбӣ кардан ҳоло барвақт аст. Навор дар шабакаҳои иҷтимоӣ вокунишҳои зиёдеро ба бор оварда, бархе аз корбарон ин ҳодисаро нишонаи қудрати илоҳӣ ва муъҷиза медонанд.
