Ҳамал (21 март-20 апрел)
Имрӯз нерӯ ва ғайрати зиёд эҳсос мекунед. Агар қувваи худро ба корҳои муфид равона созед, ба натиҷаҳои хуб ноил мегардед. Дар кор ташаббусҳои шумо дастгирӣ меёбанд ва имкони пешрафт пайдо мешавад. Бегоҳро беҳтараш дар ҳалқаи наздикон сипарӣ кунед. Нофаҳмиҳои кӯҳна аз байн рафта, муносибатҳо гармтар мешаванд. Барои машғулиятҳои эҷодӣ низ вақти муносиб аст. Як нишасти хурди хонаводагӣ ба шумо шодиву роҳат мебахшад.
Савр (21 апрел-21 май)
Рӯзи мусоид барои беҳтар шудани вазъи молиявӣ аст. Баъзе масъалаҳои пулӣ ба осонӣ ҳал мешаванд ва шумо метавонед барои хариди муҳим нақша кашед. Шитоб накунед, зеро вазъият ба нафъи шумо рушд меёбад. Дар муносибатҳои шахсӣ меҳру муҳаббат ва ҳамдигарфаҳмӣ бештар мегардад. Сайругашт дар ҳавои тоза ё боздид аз ҷойи зебо рӯҳияатонро болида мекунад. Ин рӯз бо эҳсоси оромӣ ва тавозуни ботинӣ дар хотир мемонад.
Ҷавзо (22 май-21 июн)
Имрӯз зеҳни шумо фаъол буда, барои омӯзиш ва муошират имкониятҳои хуб фароҳам меорад. Суҳбат бо ҳамкорон ё дӯстон андешаҳои ҷолиб ва роҳҳои нави пешрафтро пешкаш мекунад. Ба осонӣ метавонед дар бораи масъалаҳои муҳим ба мувофиқа расед. Сафарҳои кӯтоҳ муваффақ хоҳанд буд. Вохӯрии ғайричашмдошт метавонад хабаре оварад, ки нақшаҳои шуморо ба самти беҳтар тағйир диҳад. Бегоҳ шиносоии хубе имконпазир аст.
Саратон (22 июн-22 июл)
Имрӯз барои таҳкими муносибатҳои оилавӣ ва беҳтар кардани фазои хона хеле мувофиқ аст. Шумо ниёзҳои наздиконро бе сухан ҳам хуб дарк мекунед. Ҳисси ботинӣ дар қабули қарорҳои муҳим роҳнамо мешавад. Корҳое, ки дар оромӣ анҷом медиҳед, натиҷаи хуб медиҳанд. Масъалаҳои хурд худ аз худ ҳал шуда, барои корҳои муҳимтар вақт пайдо мешавад. Ба саломатӣ диққат диҳед. Истироҳати хуби шабона нерӯи шуморо пурра барқарор мекунад.
Асад (23 июл-22 август)
Имрӯз дар маркази таваҷҷуҳ қарор гирифтанатон осон мешавад. Ҷозиба ва эътимоди шумо дигаронро ба худ ҷалб мекунад. Дар кор ва фаъолияти эҷодӣ қадршиносӣ ба даст меоред. Бо иродаи қавӣ метавонед монеаҳоро паси сар намоед. Вохӯриҳо ва чорабиниҳои иҷтимоӣ бомуваффақият мегузаранд ва шиносоии судманд меоранд. Агар хушбинӣ ва рӯҳияи хуби худро бо дигарон тақсим кунед, дастгирии бештар мегиред. Шоми ошиқона хотирмон хоҳад буд.
Сунбула (24 август-23 сентябр)
Таваҷҷуҳи шумо ба ҷузъиёт имрӯз барои ба тартиб даровардани корҳои ҷамъшуда кумак мекунад. Дар ҷойи кор масъулиятшиносӣ ва дақиқии шумо қадр карда мешавад. Равиши оқилона аз хатову нофаҳмиҳо пешгирӣ мекунад. Корҳои хона низ қаноатмандӣ мебахшанд. Барои оғози таъмир вақти хуб аст. Ба ғизои худ бештар аҳамият диҳед ва маҳсулоти солимро зиёдтар истифода баред. Бегоҳ бо китоб ё истироҳати ором фикрҳоятонро ҷамъбаст кунед.
Мизон (24 сентябр-23 октябр)
Имрӯз шумо зебоиро дар ҳар чиз бештар эҳсос мекунед. Дар муносибатҳо роҳи созишро пайдо карда, робитаҳоро мустаҳкам месозед. Хислати хуби шумо баҳсҳоро ба осонӣ ҳал мекунад. Эҳтимол туҳфа ё сюрпризи хуше интизоратон бошад. Сайругашт ё нишаст бо наздикон шуморо боз ҳам болидаруҳ месозад. Барои имзои ҳуҷҷатҳои муҳим ва масъалаҳои ҳуқуқӣ рӯзи мусоид аст.
Ақраб (24 октябр-22 ноябр)
Ҳушёрӣ ва зиракии шумо имкон медиҳад нияти воқеии атрофиёнро дарк кунед ва аз иштибоҳҳо дур монед. Шумо метавонед вазъиятро зери назорат гиред ва барои беҳтар шудани зиндагӣ қадамҳои ҷиддӣ гузоред. Дар муносибатҳои шахсӣ самимият нақши асосӣ мебозад. Суҳбати ошкоро мушкилоти кӯҳнаро ҳал мекунад. Бегоҳ лаҳзаҳои гарму самимӣ бо шахси дӯстдошта интизор аст.
Қавс (23 ноябр-21 декабр)
Шавқи донишомӯзӣ ва саёҳат имрӯз шуморо ба таҷрибаҳои нав мебарад. Ба мушкилиҳои хурд бо рӯҳияи хуб нигоҳ карда, онҳоро ба осонӣ паси сар мекунед. Муошират бо одамони гуногун ҷаҳонбинии шуморо васеъ мекунад. Дар масъалаҳои таҳсил ва ҳуҷҷатҳои расмӣ бахт ёратон мешавад. Барои банақшагирии сафарҳои дур ё омӯзиши забонҳои хориҷӣ вақти муносиб аст. Шом дар ҳалқаи дӯстону ҳамфикрон бо эҳсосоти мусбат ва хотираҳои хуш мегузарад.
Ҷаддӣ (22 декабр-20 январ)
Имрӯз меҳнатдӯстӣ ва интизом калиди муваффақияти шумост. Шумо метавонед диққати худро ба масъалаҳои воқеан муҳим равона карда, ба ҳадафҳои калон наздиктар шавед. Маслиҳати шахсони таҷрибадор барои шумо бисёр фоидаовар мегардад. Сайругашти шомгоҳӣ хастагиро рафъ мекунад.
Далв (21 январ-19 феврал)
Кор дар гурӯҳ натиҷаҳои хуб медиҳад ва шояд ҳамфикрони нав пайдо кунед. Шумо ба оянда бо умед ва нақшаҳои ҷолиб менигаред. Вохӯриҳо бо дӯстон пур аз баҳсҳои шавқовар хоҳанд буд. Агар хоҳиши тағйир додани тарзи зиндагиро дошта бошед, вақти хуб фаро расидааст. Шом ба шумо нерӯи тоза мебахшад.
Ҳут (20 феврал-20 март)
Имрӯз метавонед барои дигарон такягоҳи хуб бошед. Дар ҷодаи муҳаббат меҳрубонӣ ва эътимод бештар мешавад. Тамошои филм ё рафтан ба театр, шунидани мусиқӣ ё фароғати фарҳангӣ рӯҳияатонро болида месозад ва ба шумо қувваи нав мебахшад. Нисбати дӯстдоштаи худ аз ҳад зиёд рашк накунед, вагарна ӯро меранҷонед.
