Ҳамал (21 март-20 апрел)
Дар оила ва корҳои шахсиятон тағйирот имкон дорад, вале нуқтаи назари худро аз дигарон боло нагузоред, вагарна ба ғалате роҳ медиҳед, ки бар асари он маблағи зиёди пулӣ ё обрӯву нуфузатонро аз даст медиҳед. Барои ба дили дӯстдоштаатон роҳ ёфтан гапи дурӯғ мегӯед, вале эҳтиёт шавед, ки худатон фиреб нахӯред.
Савр (21 апрел-22 май)
Рӯзи хубест барои шиносоиҳои нав, сайру саёҳат ва қабули меҳмон. Муносибати некатон нисбати атрофиён боиси комёбиҳо дар оянда мегардад. Парешонхотирӣ ва бо як кор машғул шуданро нахостанатон дар касбу коратон мушкилӣ меорад. Нӯшидани машрубот, чидани гул ва оташ афрӯхтанро маслиҳат намедиҳем.
Ҷавзо (23 май-21 июн)
Дар ин рӯз аз муноқиша ва баҳсу мунозира дурӣ ҷӯед. Бо касе шинос шудану оиладор шуданро маслиҳат намедиҳем. Агар имрӯз бо нафаре низоъ намоед, баъдан оштӣ шуданатон душвор ва ҳатто номумкин мегардад. Пӯрхӯрӣ барои нафароне, ки синну солашон аз 60 боло ва бемории фишорбаландӣ доранд, беасар намемонад. Хусусан бегоҳирӯзӣ хӯроки равғанин истеъмол накунед.
Саратон (22 июн-22 июл)
Дар ин рӯз бо мушкилиҳое, ки кайҳо фаромӯш карда будед, аз нав рӯ ба рӯ мегардед. Акнун ин мушкилиҳо аз нав сар зада, табъатонро хира месозанд. Аз шиносоиҳои ошиқона худдорӣ намоед, вагарна аз нобарориҳои рӯзҳои наздик халосӣ намеёбед. Дар масъалаҳои пулӣ ба маслиҳати атрофиён гӯш диҳед.
Асад (23 июл-23 август)
Дар ин рӯз хеле эҳтиёткор бошед, дар ягон кор ба ғалат роҳ надиҳед. Рафтори ғайриоддии шуморо атрофиён қабул карда наметавонанд. Одати аз пашша фил сохтан сабабгори хулосаҳои шитобкорона бароварданатон мегардад. Дар хона эҳтимоли рух додани муноқишаи калон вуҷуд дорад, босабру таҳаммул бошед.
Сунбула (24 август-23 сентябр)
Дар ин рӯз ҳодисаҳои гуворо ва шиносоии ногаҳонӣ рух медиҳанд. Тағйиротҳое, ки дар зиндагиятон рух медиҳанд, дар мадди аввал табъатонро хира месозанд, вале заррае набояд хавотир шавед. Дар муносибатҳои ошиқона эҳтимоли фиреб хӯрданатон вуҷуд дорад. Барои оғози тиҷорат ва савдои хурд рӯзи мусоид аст.
Мизон (24 сентябр-23 октябр)
Дар ин рӯз аз муноқишаву низоъ худдорӣ намоед. Ҳар қадаре шумо фаъол бошед, ҳамон андоза мушкилиҳоятон зиёд мегарданд. Ба пурхӯрӣ роҳ надиҳед, рӯдаву меъдаатон дар ин рӯз заиф мегардад. Рӯзи хубест барои бастани ақди никоҳ. Кӯшиш намоед, қувваву пул ва вақти худро беҳуда сарф накунед.
Ақраб (24 октябр-22 ноябр)
Дар ин рӯз нисбати волидон ва пиронсолони оилаатон ғамхорӣ зоҳир намоед. Хислати шуморо атрофиён хеле бо душворӣ таҳаммул мекунанд. Ҳар коре мекунед, аз оқибати он андеша намоед, вагарна нафарони зиёдеро ранҷонида, бе дӯсту рафиқ мемонед. Беҳтараш аз пайи амалӣ сохтани нақшаҳое шавед, ки чандон хатарнок набошанд.
Қавс (23 ноябр-21 декабр)
Рӯзи хубест барои шиносоиҳои нав ва сайёҳат кардану қабули меҳмонон. Хушчақ-чақӣ, дилрабоӣ ва ақидаҳои беназиратон боиси муваффақиятҳо дар ояндаатон мегардад. Дар хоб дидани муноқишаву баҳс аз бурбдорӣ дарак медиҳад. Ба гапҳое, ки дар бораи дӯстдоштаатон мешунавед, бовар накунед.
Ҷаддӣ (22 декабр-20 январ)
Тамоми нақшаву ниятҳое, ки дар ин рӯз доред, амалӣ мегарданд. Эҳтимол барои ҷалб сохтани атрофиён андаке ба муболиға роҳ медиҳед, вале ақидаҳоятон самараи хуб медиҳанд. Имкони ба даст овардани маблағи хуб вуҷуд дорад. Далвҳои муҷаррад бо нафаре шинос мешаванд, ки ишқашон ба муҳаббати бузург мубаддал мегардад.
Далв (21 январ-20 феврал)
Дар ин рӯз танҳо нақшаву ниятҳоеро ба дӯш гиред, ки аз уҳдааш мебароед ва онро то охир расонед. Гӯш кардани мусиқии таскинбахш, маҳси бадан ё дар ҳавои тоза сайр кардан руҳатонро болида мегардонад. Барои ба сафар баромадану қабули меҳмон рӯзи мусоид аст.
Ҳут (21 феврал-20 март)
Бо нафароне, ки ба меҳру муҳаббати шумо ниёз доранд, аз он ҷумла бо волидон робитаи худро канда насозед. Нисбати саломатии худ бодиққат бошед. Бегоҳирӯзӣ нерӯятон дучанду табъатон болида мегардад, вале бо нафарони калонсоли оила гапатон мегурезад. Шумо ба истироҳати бофароғат ниёз доред.
