Ҳамал (21 март-20 апрел)
Дар муносибат бо шахси дӯстдошта каме сардӣ эҳсос мешавад. Беҳтараш чанд рӯз ба ҳамдигар фурсат диҳед, то муносибатҳо ором шаванд. Имрӯз дӯстон ё ҳамкорон аз шумо кумак интизор мешаванд, аммо аз ҳад зиёд худро қурбон насозед, то дар хона нофаҳмӣ пеш наояд. Дар кор вақти хубест барои ҷустуҷӯи имкониятҳои нав. Вазъи молиявӣ хуб мемонад. Варзиш ва сайругашт ба шумо нерӯ ва рӯҳияи тоза мебахшанд.
Савр (21 апрел-21 май)
Шавқу ҳавас ва хушмуомилагии шумо имрӯз диққати нафарони ҷиддиро ҷалб мекунад. Муносибатҳои кӯҳна метавонанд аҳамияти худро гум кунанд. Агар бо дӯстдоштаатон якҷоя амал кунед, натиҷаҳои хуб ба даст меоред. Лоиҳаҳое, ки имрӯз оғоз мешаванд, дар оянда фоидаи хуб медиҳанд. Пеш аз сармоягузорӣ ҳама роҳҳоро бодиққат омӯзед. Барои ҳифзи оромии рӯҳӣ ва саломатӣ “не” гуфтанро низ ёд гиред.
Ҷавзо (22 май-21 июн)
Имрӯз нафаре ба шумо аз муҳаббати деринааш иқрор мешавад ва ин хабар метавонад ғайричашмдошт бошад. Ситораҳо маслиҳат медиҳанд, ки аз баҳсу муноқиша дурӣ ҷӯед, зеро зарар бештар ба шумо мерасад. Дар кор ба ҷузъиёти майда диққат диҳед, чун онҳо муҳим хоҳанд шуд. Дар масъалаҳои молӣ шитоб накунед. Кӯшиш кунед рӯҳияи худро хуб нигоҳ доред ва нагузоред ғаму андӯҳ ба зиндагиятон роҳ ёбад.
Саратон (22 июн-22 июл)
Рӯзи хуб барои муҳаббат ва шиносоӣ аст. Ҷозибаи шумо имрӯз диққати бисёриҳоро ҷалб мекунад. Шояд вақтҳои охир нисбат ба шахси наздик хеле серталаб шудаед, каме мулоимтар бошед. Дар кор рақобат бештар мешавад ва баъзе хабарҳо шуморо водор месозанд, ки зуд қарор қабул кунед. Давраи душвориҳо тадриҷан пушти сар мешавад. Ҳоло вақти хубест барои истироҳат ва барқарор кардани нерӯи аздастрафта.
Асад (23 июл-22 август)
Имрӯз таваҷҷуҳи дигарон ва шиносоиҳои нав шуморо хушҳол месозанд. Аз танҳо нишастан худдорӣ кунед ва вақти бештарро бо наздикон гузаронед. Суҳбати самимӣ муносибатҳоро мустаҳкам мекунад. Илҳом ва нерӯи эҷодии шумо барои расидан ба ҳадафҳо кумак мерасонанд. Барои сармоягузорӣ низ имкониятҳои хуб пайдо мешаванд. Агар бемории кӯҳна дошта бошед, ба саломатӣ диққати бештар диҳед ва витамин истеъмол намоед.
Сунбула (24 август-23 сентябр)
Ситораҳо аз вохӯрии ошиқонаи хотирмон дарак медиҳанд. Имрӯз бояд ба намуди зоҳирии худ аҳамияти бештар диҳед. Дар муносибат бо хешовандон нофаҳмӣ пайдо шуда метавонад. Барои иваз кардани ҷойи кор ё қабули қарорҳои муҳим рӯзи муносиб нест. Аз меҳнат ва сарфаи вақт натарсед, зеро заҳмати имрӯз дар оянда самараи хуб медиҳад. Муҳити гарму дӯстона ба саломатӣ ва рӯҳияи шумо таъсири мусбат мерасонад.
Мизон (24 сентябр-23 октябр)
Дар муносибат бо дӯстдошта аз ҳад зиёд шармгин набошед, зеро аз шумо ҷиддият ва қадамҳои устувор интизоранд. Эҳтимоли кӯчидан ё тағйири ҷойи зиндагӣ вуҷуд дорад. Имрӯз корҳои зиёдатиро ба дӯш нагиред, вагарна хаста мешавед. Фикрҳои оилавӣ метавонанд ба кори шумо таъсир расонанд. Дар масъалаҳои молӣ бахтатон механдад ва дастгирии шахси муҳимро ба даст меоред. Барои саломатӣ бештар ҳаракат ва сайругашт кунед.
Ақраб (24 октябр-22 ноябр)
Аввали рӯз метавонад аз шумо қарорҳои ҷиддӣ дар масъалаҳои ошиқона талаб кунад. Дар пеш тағйироти муҳим қарор доранд. Шояд барои хариди калон, мисли таҷҳизоти техникӣ ё мошин, нақша кашед. Дар кор фаъол ва меҳнатдӯст мешавед, ки метавонад сабаби пешравӣ ва зиёд шудани маош гардад. Аммо барои қадамҳои шитобкорона рӯзи хуб нест. Ронандагон бояд хеле эҳтиёткор бошанд, зеро парешонхотирӣ хатар эҷод мекунад.
Қавс (23 ноябр-21 декабр)
Имрӯз ҳиссиёти шарики худро хуб дарк мекунед ва ин ба муносибатҳо гармӣ мебахшад. Агар наздиконатон бо фикру ақидаи шумо розӣ набошанд, баҳсро калон накунед. Корҳоро ба фардо нагузоред, зеро имрӯз барои анҷоми вазифаҳо рӯзи хуб аст. Барои оромии рӯҳӣ каме танҳоӣ ва андеша низ ба шумо фоида меорад.
Ҷаддӣ (22 декабр-20 январ)
Агар муҳаббати шумо беҷавоб монда бошад, эҳсосотро дар дил нигоҳ надоред. Бо ин роҳ аз фишори равонӣ халос мешавед. Имрӯз хешовандон каме асабонӣ мешаванд, бинобар ин аз баҳс худдорӣ кунед. Ҳатто дар корҳои оддӣ эҳтиёткор бошед, зеро хатогӣ имкон дорад. Хариди хурд метавонад ба шумо хушҳолӣ бахшад. Варзиш ва фаъолияти ҷисмонӣ муфид аст, вале аз ҳад зиёд худро хаста насозед.
Далв (21 январ-19 феврал)
Баъзе рафторҳои шарики зиндагӣ метавонанд шуморо ба фикр баранд. Масъалаҳои оилавӣ вақти зиёд талаб мекунанд, бинобар ин аввал корҳои муҳимро анҷом диҳед. Аз фитна, ғайбат ва суҳбатҳои сиёсӣ дурӣ ҷӯед, зеро ин метавонад ба обрӯ ё коратон таъсир расонад. Барои харидҳои калон рӯзи мувофиқ нест. Варзиш, истироҳати фаъол ва шиносоии нав ба шумо рӯҳияи хуб мебахшанд.
Ҳут (20 феврал-20 март)
Аз баён кардани эҳсосоти худ натарсед, зеро самимият калиди муносибатҳои хуб аст. Имрӯз ба аҳли хонадон бештар ғамхорӣ мекунед ва ин барои шумо гаронӣ намекунад. Шояд байни пешрафти корӣ ва оромии оилавӣ интихоб кардан лозим шавад. Имкони пайдо кардани кори сердаромад вуҷуд дорад, ки вазъи молиявии шуморо беҳтар мекунад. Барои рафъи хастагӣ ва бехобӣ бештар дар ҳавои тоза сайругашт намоед.
