Хизмат ба Модар-Ватан қарзи инсонӣ ва виҷдонии ҳар як ҷавонмарди шарафманд аст. Хушбахтона, солҳои охир шумораи ҷавононе, ки кори пуршараф будани хизмати аскариро дарк менамоянд, торафт афзуда истодааст.
Агар солҳои қаблӣ аксари ҷавонон аз хизмат мегурехтанд, акнун онҳо ихтиёран ба аскарӣ мераванд. Туфайли чунин ҷавонони далеру шуҷоъ нақшаи даъвати ҷавонон ба хизмати ҳарбӣ дар баъзе шаҳру ноҳияҳои мамлакат дар муддати хеле кӯтоҳ иҷро мешавад. Аз ҷумла, ноҳияи Тоҷикобод дар рӯзи аввали маъракаи баҳории даъвати ҷавонон ба хизмати ҳарбӣ аз иҷрои нақша хабар дод.
Умедворем, ки дар дигар минтақаҳои кишварамон низ ҷавонписарон бо ҳисси баланди масъулиятшиносӣ ба маъракаи даъвати баҳорӣ ба сафи Қувваҳои Мусаллаҳи кишвар муносибат мекунанд.
