Бо мақсади фароҳам овардани шароити мусоид барои мусофирон ва ронандагон дар Фурудгоҳи байналмилалии Душанбе системаи таваққуфгоҳи автоматӣ ба роҳ монда шуд.

Ин иқдом бо мақсади пешкаш намудани хизматрасонии муосир ба меҳмонон ва сайёҳони пойтахт, пешгирии фаъолияти таксиҳои ғайрирасмӣ, иҷрои талаботи Созмони байналмилалии авиатсияи гражданӣ (ИКАО) оид ба бехатарии амнияти авиатсионӣ дар фурудгоҳ ва бо назардошти таҷрибаи ҷаҳонӣ амалӣ гардидааст.

Системаи таваққуфгоҳи автоматӣ бо мақсади танзими низоми идоракунии автоматии вуруд ба фурудгоҳ амалӣ карда мешавад.