Як шаҳрванди Тоҷикистон, ки шамъро дар калисо хомӯш карда буд, барои муолиҷаи иҷборӣ фиристода мешавад.

Кумитаи тафтишоти Русия бар ин назар аст, ки иллати ҳодисаи нангин дар маъбад на қасди ҷиноӣ, балки вазъи руҳии ин мард аст.

Гуфта мешавад, ки "дар вақти содир кардани кирдори ҷиноятӣ ӯ натавонистааст моҳияти воқеӣ, хатари иҷтимоии кирдорҳои худро дарк кунад ва бинобар мавҷудияти ихтилоли равонӣ онҳоро назорат намояд".

Ёдовар мешавем, қаблан нисбати ин шаҳрванди Тоҷикистон бар асоси моддаи “Поймол кардани ҳуқуқ ба озодии виҷдон ва эътиқоди динӣ” парвандаи ҷиноятӣ боз шуда буд.