Мақомоти ҳифзи ҳуқуқи Душанбе се ноболиғро бо гумони дуздии маблағ боздошт кардаанд.
Ба иттилои тафтишот, се нафар сокинони 15-солаи пойтахт бо истифода аз абзори оҳанини худсохт терминалҳои қабули пардохтро дар ноҳияи Фирдавсӣ шикаста, маблағҳоро дуздидаанд.
Тавре Раёсати ВКД дар шаҳри Душанбе хабар медиҳад, шаби 11-уми март ин гурӯҳ терминали бонки «Эсхата»-ро рахна намуда, аз он зиёда аз 8 ҳазор сомонӣ гирифтаанд.
Феълан тафтишот идома дорад ва иштироки онҳо дар ҷиноятҳои шабеҳ санҷида мешавад.
