Рӯзи 9-уми август се шаҳрванди ноболиғи Тоҷикистонро, ки дар Русия бепарастор монда буданд, ба Тоҷикистон баргардонидаанд.
Дар ин бора Сафорати Тоҷикистон дар Русия иттилоъ дода, гуфтааст, ки ин кӯдакон дар асоси “Созишномаи ҳамкории Иттиҳоди давлатҳои мустақил роҷеъ ба баргардонидани ноболиғон” ба кишвар оварда шуданд.
Сафорат иттилои дигаре дар мавриди ин ноболиғон ироа накардааст. Маълум нест, ки онҳо чӣ гуна дар Русия бесаробон монда ва чанд муддат дар ин вазъият қарор доштаанд.
