Саршумори асп дар Тоҷикистон зиёд шудааст

Саршумори асп дар Тоҷикистон ба наздики 100 ҳазор сар расидааст. Ин нишондиҳанда дар муқоиса бо аввали моҳи октябри соли гузашта қариб 6 дарсад афзоиш ёфтааст. Дар ин бора Агентии омори Тоҷикистон хабар додааст.

Ба иттилои манбаъ, аз шумораи умумии аспҳо 570 сар дар Вилояти Мухтори Кӯҳистони Бадахшон, тақрибан 10,4 ҳазор сар дар вилояти Суғд, 68 ҳазор сар дар вилояти Хатлон ва наздики 21 ҳазор сар дар ноҳияҳои тобеи ҷумҳурӣ парвариш карда мешаванд.

Ҳамин тариқ, қисми зиёди аспҳо дар вилояти Хатлон нигоҳубин карда мешаванд.